EN KOHT PLAN EN KOMOUR MENGE

Kempoak Pahi: I men idek rehmw peidek ehu me keieu kesempwal nan moaur. Ahmw insenamwahu de ahmw insensuwed poatoapoat pahn pwil sang ni peidek wet. Iet peideko: Ke koamoauralahr? Kaiden peidek en iawen ahmw mwahu, de ma ke iang towe mwomwodiso ehu, ahpw ke koamoauralahr? Ke ese me ke pahn kohla Nanleng ma ke mehla?

Koht mahsani me emen en kak kohla Nanleng, ah en ipw sapahl. Nan John 3:7, Jesus mahsani ong Nicodemus, “Kowe en ipw sapahl.”

Nan Bible Koht ketkihong kitail plahn en atail en ipw sapahl met wehwehki en koamoaurala. Sapwenlime plahn me mengei! Ke kak koamoaurala rahn wet. Iaduwe?

Keieu, kempoak pai, ke uhdahn koanehng ese me kowe me dipan emen. “Pwe karos wiadahr dihp, oh sohte kak koanoahdi lingan en Koht” (Romans 3:23).

Pwehki kowe me dipan emen, ke pakadeikadahr ong mehla. “Pwe pwain (pweipwei) en dihp, iei mehla.”(Romans 6:23). Met pil wehwehki tohrohrala soutuk sang Koht oahng nan Hell.

“...a kileldiehr ong aramas amen en mehla pahn mehpak a mwiri kadeiko” (Hebrews 9:27).

Ahpw en Koht limpok oang uhk me laud Ihme me E ketkihdohki sapwenlime Iehros, Jesus, en alehda dipomw kan oh kammatkihla dipom kan. “...me kotin kapwukoahnki oahng, me soh dipe, dip atail, pwe kitail en pungkihla pah rehn Koht” (2 Corinthians 5:21).

Jesus koanehng en kakerehdi intah oh kamatala. “Pwe mour en waren uduk mih nan intah” (Lev. 17:11). “...ma sohte kakeyellowi en inta, nan dihp sohte kak lapwada [kohsang]” (Hebrews 9:22).

“Pwe Koht kotin kasansalehda Ah limpoak ong kitail, ni en Christ ah matkin kitail lahr ni ansoun atail dipan” (Romans 5:8).

Ahpw sang ni atail sohte kak wehwehki duwe, Koht mahsani me dipai kan oh dipomw kan pwilidioangehr pohn Jesus oh E matkin kitail lahr.I me wiahlahr wiliepe-tail. Met mehlel. Koht sohte kak likamw.

Kempoak pai, “Koht...ansou wet a kotin mahsanih ong aramas koaros, ren koaluhla wasa koaros” (Wihwia 17:30).

Koaluhla wet iei weklahn madamadau me pwung kidahr mwohn Koht me aramas koaros me dipan, oh me pil pwung ong dahme Jesus wiaieng kitail pohn lohpwuo.

Nan Wihwia 16:30-31, silepen imweteng en Phillipai me idek rehn Paul oh Sailas: “...’Maingko, dahme I en wiahda pwen koamoaurla?’ O ira mahsanih: Pwoson Kaun Jesus Christ, ah kowe pahn koamoaurla...”

Ihte, pwoson me Christ ketin pwukoahkihdier dipomw kan, oh kammat kin uhkalahr oh seridier, oh iei I me Koht kotin kaiesadahr.

Manaman en Ah iasada kamanahlahr me aramas emen me pwoson pahn kak en ale moaur soutuk ni eh kasamwoiher Jesus en wiahla ah Soundoar.

“Ah koaros me kasemwo Ih, ah ketkihong ihr manaman en wiahla seri en Koht, ihr me pwoson mware” (John 1:12).

“Pwe emen emen me likwer ohng mwaren Kauno pahn koamoaurla” (Romans 10:13).

Emen emen, kowe pil iang. Pahn koamoaurala wehwehki kaiden mwein, de kak, ahpw udahn pahn koamoaurala.

Ni mehlel, ke esehier me kowe me dipan emen. Ansou wet, wasa me ke mihe... koaluhla, mweidoahng mongiongomw Koht oh kapakap.

Nan Luke 18:13, iet kapakap en me dipan emen: “Maing Koht komw kotin kupwureia me dipan eman.” Wia kapakap wet:

“Maing, Koht, I ese me ngehi me dipan emen. I kamehlele me Jesus iei wiliepei ni Eh kamatala pohn lopwuo. I kamehlele sapwenlime intah, Ah kammatala, seridi oh Ah iasada koaros ong ia. Met I alehier Ih ahi Soaunkoamoaur. I kaping kalahngan ong komwi pwehki mahk pen dipai kan, kisakis en koamoaur oh moaur soautuk pwehki oamwi mahk oh kalahngan. Amen,”

Kamehlele en Koht Ah mahsan oh ale sapwenlime koamoaur ki pwoson. Kamehlele, oh kowe pahn koamoaurala. Sohte mwomwohdiso, de pwihn, oh sohte doadoahk me kak koamoauruhkala. Tamataman, Koht kelehpw me kan koamoaur. E wia koaros!

Sapwenlimen Koht plahn en koamoaur me mengei, iet: Kowe me dipan emen. Ari ma ke sohte kamehlele me Jesus me weliandi koawe mehla, ke pahn kohla nan Hell soautuk. Ma ke pahn kamehlele me Ih me kalohpuehla, seridi, oh Soundor me iasadahr, kowe pahn ale mahk pen dipomw akan koaros oh sapwenlime kisakis en moaur soutuk ki pwoson.

Ke inda, “Ni mehlel e sohte pahn kak en songen mengei wet.” Ehi, me mengei! E sang nan mahsan en kisin likou. Iei en Koht plan.Koampoak pai, pwoson Jesus oh ale Ih ahmw Soundor rahn wet.

Ma sapwenlime plahn sohte wehwe mwahu, pwurehng oh pil pwurehng wadek doaroapwe wet. Dehr kihdi lau ke wehwehkihla audepe. Ngenomw me kesemwpwal sang sampah pwon.

“Pwe dahme pahn katepe oang aramas en anekihla sampah pwon ahpw kesehla moure?” (Mark 8:36).

Tehkada mwahu ma ke koamoauralahr. Ma ke luhs sang ngeomw, ke sohte pahn lel nanleng ah ke pahn luhs sang soahng koaros. Menlau! Mweidohng Koht en koamoaur uhkala ansou wet.

Manaman en Koht pahn koamoaur uhkala, nekinekid ahmw koamoaur, oh pahn sewese iuk en ahneki kalwehdi en moaur en Souleng. “Sohte songosong ehu lel ohng komwail, ihte, me aramas itar ong, pwe Koht me mehlel, me sohte kin mweidong komwail songosong ehu, me komwail sohte itar ong. A ni songosong a pahn ketin kaimwisekala, duwen me pahn kak pahmwail” (I Corinthians 10:13).

Dehr likih ahmw pepehm akan. Re kin kak wekila. Uhda pohn inau en Koht akan. Re sohte kin kak wekila. Mwurin ahmw koamoaurala, soahng siluh me ke koanehng wia rahn koaros pwe ken kak kekeirda ni ahmw moaur en ngehn:

Kapakap --- ke koasoai ong Koht.

Wadek noamw Bible---Koht mahsan oang

uhk. Kadehde---ke koasoaia Koht.

Kowe pil konehng baptaisala pwehn kasalehda ahmw peikiong Kaun Jesus Christ. Iei kadehde pen ahmw koamoaur, oh kowe eri iang towehla ehu mwomwohdiso me kamehlele--Bible, sohte pwand. “Kowe en dehr namengki kadehdehn atail Kaun...” (2 Timothy 1:8).

“Mehmen pahn pohnese ie mohn aramas, nahn I me I pahn pohnese mohn Semei, me koatikoat nanleng” (Matthew 10:32).